ألقي بي الأيادي هذه القصيدة الرائعة للشاعر الفيلسوف..
سعد علوش ..
مدري متى تصبح عيوني على خير
ومدري متى وانا وحزني ثنائي
أشعر بعزلة حس .. اشعر بتأثير
شي أكبر من اني اكون انطوائي
في بيئتي لكل الاحلام تفسير
وعجزت افسر واقعي وانتمائي
انا انتمي للشمس.. للعشب .. للطير
لحزن شاعـــر .. لـفضيلة روائــي
انا انتمي .. للمظــــلمات المنــاوير
اللي بها تمــــددي .. وانــزوائـي
احبك .. ولا زلت كل آخر عصير
احرق قرابــيــني .. واجدد ولائي
انا الفقير اللي بعد حبـــك امــير
وانا الامير اللي فقربي رجــائي
وانا الثقيل الممتــلي صــدق تعبير
ومعاك احس انــي شــقي ومرائي
خذني معك .. للصبح .. للحلم ..للغير
كل شــي من غــيرك كئيب وبدائي
بعثرني .. رتبني .. مكان ومشاوير
انا ضـــحــية هالدهـــاء النســائي