أطارد الليل ..
وانشد عن جفونك
ورجفة كفوفك ،
والخجل..
وينك؟
...
أطارد الليل ..
وأصرخ عند الفجر
"وينك"؟
طارت حظوظك؟
ولا اللقا طبعه كذا،
يستكثر وجودك؟
ترحل..
تترك لي همومك..
توحشني عيونك ..
وتوحشني تعابيرك
وردّات فعلك..
عن آخر اشعاري
بس.. وينك؟
..
وينك؟
وين حطّت طيورك؟
على ما تشتهي الريح؟ ولا،
على ما يشتهي حظي؟ ..طلبتك،
رجيتك..
التفت للخلف .. ناظر
يمكن تلاقيني نسيتك!!
تمهّل.. راجع حساباتك ..
يمكن طحت من عيني وما توقعت!
ويمكن،،
خذاني الشوق للماضي وتذكّرت
تفكّرت ..
وثم قارنت!!
فاكتشفتك شي في الماضي..
وهاللحظه ولا شي!!
عمر المعولي