[حميد محمد السالمي]

المشاركة الأصلية كتبت بواسطة خثمان العيسائي

تمشي دلع تمشي بخفه واعتدال
دقة كعبها سوت فراسي فعول

لي ريته فيها يا جماعه ما يقال
والله شعري صار في وصفه خجول

أُوصِف ادقق ما عطتني اي مجال
وش لون أُوصِّف شيء ماهو بمعقول

اقدر اقول ان الشجر فيه ارتجال
بس عودها فيه التغنج و الميول

الردف نعمه هو تميز في الجمال
والشعر أشقر يطمسك حد الذهول

الحال عندي صار مضرب للجدال
مدري تدهور او تعلل او ذبول

الشمس يحلى شوفها وقت الزوال
لكن شمسه بيني وبينه تحول

الريم ضاق بصدره وفيه انفعال
لكن ماهو قادرٍ حتى الوصول

و المهره اللي من وصفها بالدلال
دقة كعبها جرت فجسمي سيول

من شفتها لليوم حالي لا يزال
مرهون في دقة كعبها و مهبول

صح الله لسانك يا العيسائي قصيدة جميله