محاورة بين سالم بن سعيد المحيجري وخالد بن سبيت العلوي في قروب فرقة رسم المعالي بتاريخ 25/7/2015
سالم سعيد:
ودنا يخالد نوصل ديرة بن سعود
نوصل إلى مكة ومدينة منوره
ونعمر فبيت الله من تالي نعود
ونعود بالصحة وسلامه وافره
خالد بن سبيت:
لن راد ربي ماشي والعمر ممدود
فرض ن عليه أجدمه ولا أخره
وسالم كلامه زاهي دايمآ مفنود
ومأجور من يسر وبر ما عسره
سالم:
أخافك تسايرني لين ما تقصي الحدود
ومن بعدها ترجع وتطلب عاذره
بنشل سالم عدنا والشاهد حمود
و لن تعذر ولد راضي يسايره
خالد:
عندي عزيمه وعن لا تستوي لي حسود
وما من صفاته خالد دربه يجهره
ويلي تولم عدنا الملتقى ففهود
دربي صلالة وتالي ماشي
سوجره
سالم:
أنته صقر لك زوبعه مثل الأسود
والي تبعد بالسهاله تزجره
وقت السفر بنكون فالرحلة حشود
واللي تعذر عننا ما نعذره
خالد:
وبنهم بناهم ناهم واليمل مورود
ضامر فوادي م الطرب والغشمره
مدلي يمينك عطني ف اليمينا عهود
متحيد عن دربي ولون مخطره
سالم:
راعي الصياغة يسبك بالذهب مقصود
وحتى ربيعه فالبلاغة يسامره
وأنته تعرفه كاتب ميثاق الوعود
عنده بلاغه من سنين ن غابره
خالد:
أنته معلم فاهم فالنحو وبزود.
عندك فهامه فالصور ومزوره
وراعي الكتابه دومه ع اليمنا ودود...
وابخت حضه لي يسجل دفتره
سالم:
أشهد شهادة تسبك من عينن ورود
وعندك كتابه والمعاني نادره
ولن شفت فالدفتر وعاينت الردود
تبقى المعاني كالنجوم الزاهره
خالد
أنته ربيع ن سليت الفواد وزود
وتحيتك مسك وزباد وعنبره....
الوجت قفل يا رفيقي ع الوهود
والحمد لله ما جنينا مقصره
تمت