أريش العين
عزمت ع ديار المحبين باشوم
قاصد لشوف عيون حلو السجايا
اللي جماله فالمخاليق معدوم
ماله شبيه.ن.فالحسن والمزايا
مده وانا من أريش العين محروم
صابر واخفي علتي في حشايا
وعلى وصل خلي انا اليوم ملزوم
لو عالخطر دونه بخوض المنايا
شفي وانا في شف الاحباب جيدوم
ما أنثني لكبار وقع البلايا
قالوا علامه بو حمد صار مهموم
قلت العفو لو تعلمون الخفايا
شفني كما طير.ن. ع الاوكار بيحوم
لي له على الشيهان شوق الظمايا
لاتلومني يا سامعي وتكثر اللوم
ياليت تدري بي وتفهم عنايا
الحب لاهل الحب له نهج وسلوم
ما هو كلام.ن. تسمعه فالحكايا.
__________________
وين الصديق اللي تخاويه لعزوم
روح وخلاني وحيد.ن.... وسافر
|