[حمود المخيني]

السلام عليكم
مصافحة جديدة

بعنوان : الغصن و الطّير



أجـــيك و خافقي ( يسبق ) معاذيره
وقبل لا قول لك آسف / اذا شئتي

فداك الخافق اللي من ( هوَس زيره ) :
ثمل من ( كاس صدّك ) بعْــدَما رحتي !

تصدّيني ! .. ونا عشقي مزاميره
يردّدها البــــشر ونْتي مثل منْتي !

خطـــينا والـــخطى لابـــدّ تبــــريره
تأسّـــفت لخـــطاي وما تأسّــــفتي !

نعم../ يخطي ( لسان الحال ) تـــعبيره
بشر ! .. نخطي .. مثل فيما مضى.. قلتي

عيل ليش الهجر ؟! عانيــت تأثيره
تلـــبّـــس ( اضلعي ) من يوم هاجرتي !

ألا وينك ؟ / " حكاية ( يوسف ) وبيره "
وتدري من هَم أخْوانه ؟؟.. نعم أنتي !

رميتي عاشقك في ( ظلمة ) و ( حيرة )
عُذرْهم ( ذيب ) / لكــن وش تعذّرتي ؟

حشى والله / مثل ما ماتت ( الغيرة )
كذا مات الخطأ منك / ولا هنتي !

أنا غصــنٍ تعـوّد يحتـضن طيـره !
وُ انْتي (الطّير) يلّي مْن الغصن..طرتي !

تعاالي / ما لغـيرك - أوعـدك - جيره
يموت الغصـْنَ لو ما يـوم غرّدتـي !

مثل ما للأفـــق ( طلّة عصــــــافيره )
كذا انتــــــي اذا في خافـــــــقي ( بنتي )

ومثل ما للشّعر ( روعة تــــصاويره )
كذا ( روعة جمــالك ) لــو تبسّــمتي

ومثل ما للبحر ( هيبة أعاصيره )
كذا انتي اذا عنّـــــــــي تكلّـــــــــمتي

تأخرتي عليْ / هو وقت ( تأخيره ) ؟؟
ولكنّ ( المثل ) واساك يا ( وقتي )

لو أن : " فـ كل ّ تأخيره بها خيــره "
فديتـــــــك..لا تجي دامــك تأخرتي !



و شكرا لكم