من الأرشيف
يلّي شَغَلْك الغير عني وسجّيت
يومي غرقت ف بحر حبك أنادي
يومي ندهت بصوت واضح وعيّيت
عن لاّتجاوب صرختي بابتعادي
عايش أحبك قلت غيرك تمنيت
ماانته بذاك اللي يحبه فؤادي
ماغير آسف قلتها لي وقفّيت
يومك عرفت انك حبيبي مرادي
يوم الغرور أعماك مني تبريت
واكبر طعون القلب رفضك ودادي
جرحتني وفي ذبح قلبي تماديت
وأمسيت تمشي في دروب التمادي
ماحد مثلك لو بتجهل تمنيت
عني بعيـد وماتطولك أيادي
لكن رضيت الحُكم مادام حسّيت
مالي قبول وماخذ الأمرعادي
واصل مسيرك بالهجر وان تغلّيت
أنت وضميرك استمر في عنادي
ببعد وأبواب الرجا اليوم سدّيت
فوضت أمري بيد رب العبادي