بتبع هوى روحي
بتبع هوى روحي وبمسح هوى النت
شــــــــــــــــاهين رددها وستل جناحه
مسكين من يتبع عجايب :هوى بنت
خفّاقهــــــــــــــا ملعب كبير المســــاحه
يا صاحبي واكتب على اللوح لا هنت
تبغي الصراحـــــــــــــه زين هاك الصراحه
لا تشتكي وتقول والله ما نمت
وتقول لي عاشـــــــــــق واحب الملاحه
خلي المحبه لـْ واحده لا تمكنت
واترك امــــــــــــور الفلسفه والفصاحه
حاولت أساير وحدتي ما تأقلمت
والسعد سارت عكس دربي رياحه
اسمع ووثق هذي الابيات يا إنت
باقولها من قلب صاحت جراحه
بعض الخلايق سعرها :الطون بالسنت
وتراب بعض الناس مكســــــــــب رباحه