فضها بالله سيرهْ
..............لا تخليني بحيرهْ
كف يا قلبي النواحْ
.........حالتك صعبةْ عسيرهْ
انقضى عهده وراح
........وانقضى شره وخيره
ورد من زهزه وفاح
.........جفت أنهاره وغديره
راح أدراج الرياح
.........للأسف لاقى مصيره
والمواجع والجراح
.............لو نعددها كثيرة
قوم وابشر بالصباح
.........زاهر ن في كل ديره
جَدّ ما هُوُ بالمزاح
........ما حلت نفس الوتيره
من كثر همه وطاح
........ما لقى (حدن) يجيره
علّ وابسط هالجناح
........وانظر بعين البصيره
والبس أحلامك وشاح
..........علها يا قلبي خيره
أم عمر1-8 -2018م