يامتعبك ياوقت ياحزن ماليني
وياصدع راسي من الدنيا ومافيها
احداث عمري تحطمني وترميني
خايف من الأيام و انياب تخفيها
ياليت كل الأماني بداخلي تجيني
وياليت كل المصايب نجدر نعديها
ادري قطار احلامي عابر مخليني
اجمع شتاتي من لحظات ناسيها
الواقع المر كسرلي فناجيني
وقهوة دلالي استنفذها ماضيها
اضيع في صمتي ولدري انا ويني
صمتي الزوايا وانطوي فيها
يغص فمي من عبرات تمليني
ويذبل لساني وحروف منشيها
ياوجع صدري من انفاس تكويني
اوجاع نفسن نار الذل تكويها
يادمعي تكفى مافيني مكفيني
حرة فوادي ولا عدت قاويها
راحت حياتي في انسان ناسيني
استهلك احلامي ودمر امانيها
يطري على بالي ويغرز سكاكيني
ياتعب وجدي من اولها لتاليها
ياروحي فوقي ذا البعد كافيني
لا حطمت قلبي ولا ني بباكيها
أحمد القريني