اقتباس:
المشاركة الأصلية كتبت بواسطة سالم بن حمدان الحجري
سكنة الأحرف
عبر كلــمة إلى كلمــة بلغني والقصـــد معروف
وعرف(ن) في زمان الحق تشــهد كــلها أعرافي
عطيتك سكنة الأحرف وصبري لو بحر مغروف
تهيدت ســاعة الســاعة ووقتي الصمــت لي خافي
أنا مجدافي أقصيدي وزورق بوحي المحذوف
وقاموســي زرع شـــفك على أعتاب مــجدافي
على طاريك لملمته قصيدي في متون أظروف
وشَمعته بصدر الصمت بي موج الوهن طافي
أصيل الهم والمعدن عرفته من بعيد الشـــوف
أشــــوفه في ســجلاتي حبر خطي وأنصــافي
زرعت الورد باهمومي يصفق راحته باكفوف
على صوت الوتر سامع نشيد أخبارك الكافي
بهت شمس الصبح ليلة على غيمة تلال اطوف
تبـــخر دمــعها عيني وعــافت نوم لو غافـــي
صرير أبواب في نفسي ونفسك يحتويها الخوف
تزمجــر ريح أذكارك ملــكت اســـنين إجحــافي
بقايا من ســـنين الصــغر عاتبني مــداها احروف
وتكتب قصــــة الماضــــي وكســــر أبعظم اكتـافي
سلامي في صفات الريم ياخذ (م) المراعي اقطوف
ســلامي في جــبين الصــبح ينســج عز لأشــرافي
تحياتي شاعر الشمال |
راقي يا شاعر الشمال
قصيد كف من شاعر كفو
ابيات جميلة وراقية برقي شعرك وشخصك