[إبراهيم الرواحي]

إليكم هذا البوح ..
للمنفى .. للغربة .. للروح .. للحب





المكان
اللي جمع قلبي وقلبك
كان حلم
كان أشبه بالوطن
لحظة غياب!
كان مجموعة أماكن
واغتراب
المكان اللي جمعنا
كان منفى
والمنافي ما ترد اللي يضيع!!



ليـت هذا اللـيــل شارع *** بــالـلـقـا يـمـتـد ســــرب
مــا تـبـعـثـر كــالمدامع *** مـــا يجـي مـلـيـون درب
كنت أطعن هـــالمواجع *** في ظهرها… وانسحب!


أذكر إني ..
جيت أحمل هالنجوم أنفاس
لعيون الأماني..
جيت أبنسجها قصايد
وأرسم أحلامى أغاني..
جيت زهر
جيت سحر
جيت همس الليل.. بحر!!
وما وصلتك
بس شفتك في عيوني حلم
وتبعثر كياني!!


يا بـيـاض الصبـح.. صبحي *** يــا شــعـــاع المـسـتـحــيــل
يــا بـقــايـا لــيــل جـــــرحي *** فــيـك ضـيـعـت الــدلــيـــــل
جــفــت أنـهـاري.. وسـفحي *** طــــاح.. وارداني قــتــيــــل!


المكان اللي جمعنا
كان إحساس وسفر
المكان اللي جمعنا
كان حلمٍ ينتظر
كانت أشواقي مواني
وكانت آهاتي يمام
وآنا في كل الأماكن
كنت أحبك
يا بدايات ونهايات الغرام!!!