[أحمد القريني]

غاده انتي ياجنونك عاشقه تاج السياده
تطلبي مني هديه تطلبي مني قتيل

ذابحلك ألف ميه فوقهم عمي زياده
وذابحلك بنت عمي ثغرها يشفي العليل

وذابحلك نصف ربعي والأمير واكبر قياده
كل هذا ولا بتسمتي ثابته شموخ النخيل

اعشقيني يالأصيله او ابيديني إيباده
ياغرورك انصفيني مالنا حلن بديل

تلعبي دور الفخامه جايده دورك اجاده
تخاطبيني كالأميره من خلف جند وصهيل

ماألومك لو طغيتي او سلبتيني السعاده
من هو مثلك لاتمرد كثر الشي الظئيل

من هو مثلك كحل عينه ماخذن مني شهاده
اعشقك مليون مره ولايجي عشقي هزيل

خافي ربك يالتليده وارحمي خلقه وعباده
مدمره احلام جيلن من وراهم ألف جيل

هذا روض خيل شرد ناظرك وفله جواده
وهذا سيد ابن سيد كلمك واصبح ذليل

وهذا يومه من همومه ماعرف طعم السعاده
ابتسمتي في عيونه انقلب يشدي يليل

هذا ليلك من عيونك ماخذن قسوة سواده
وهذا نورك من خدودك منورن درب السبيل

وهذا انا من غلاتك صايرن عندي إيراده
حاملن موتي بإيدي والهوى حمله ثقيل