الليل والشمع
إسال ظلام الليل عن قصة الشمع
وإسأل نهار العيد عن طفل مفجوع
وإسال إذا قلوب البشر تتبع المنع
لو قيل بأن الحب يا ناس ممنوع
عمر التطبع ما تعدى على الطبع
لو قلت لي حاضر وفي السمع والطوع
العين يعمي شوفها كثرة الصفع
والكلمة اللي بلا وزن تكسر ضلوع
ولو ما زرعت فقلبي محبتك زرع
ما قلت عادي والغلط منك مرجوع
أصفح وأسامح بس ما شوف به نفع
تتكرر الحالة وكل يوم موضوع
يا صاحبي خلك معي وركّز السمع
وإن قلت لي ذا القول مسموع ...مسموع
لكنني والله ما غيّر السنع
يموت قلبي لكن الرأس مرفوع
ويا صاحبي يتنفس الصبح في سبع
وتمر بي الأيام وآكمل اسبوع
وآنا في قلبي قصة الليل والشمع
وبخاطري طفلٍ ضحى العيد مفجوع .
خديم الريسي