مليون ترحيب وسلام والف يا حي
اهل الشعر اهل الكرم اهل الفعايل
في منتدى الالغاز والشعر وكل شئ
في ملتقى الاحباب و شيوخ القبايل
يشرفني ان اطرح هذا اللغز البسيط وارجوا العذر والسماح على الغياب الطويل عن هذا البيت الاصيل
بوابة الحب مصدر عشق واشواق
ترسل وتجلب كل صادر ووارد
من دونها ماصار للحب عشاق
وفي حسنها ذا الفكر سارح وشارد
الليل ماخذ منها نص الاشراق
والصبح طوق ليلها وصار سايد
هذي وصوف اللغز والحل ينساق
وارجوا العذر عن كل ناقص و زايد