جيت اوادع ناويٍ شد الرحال
كل شئٍ فيك يدعوا للرحيل...
غدرك وهجرك وتقطيع الوصال
والوعود الكاذبة اكبر دليـــــــل...
كان غرّك يا حبيبي ذا الجمـــال
صاحبك مثلك ترى وأكثر جميل...
الغريب اللي محيرني ســـــؤال
ليه تحسس هالبشر انك أصيل.....؟؟؟
الاصالة مالها غير الرجـــــال
والخيانة مالها غير الذليــــــل...
روز نفسك بين هاتين الخصال
والمثلث غير شكل المستطيل...
كم سقيتك عذب ودي والزلال
والوفا مني شراب السلسبيل..
وكم عطيتك من حناني والدلال
ومن شعورِ الصادق الشئ الجزيل..
قلبي الوافي ابد ما يوم مــال
وانت قلبك وين ما اقبل يميل...
لا تنادي بعد هجري لك تعال
لاني ارفض اسكن فقلبك دخيل...
دام حبك يالغلا اصبح محــال
مستحيل ارجع دروب المستحيل..!!!!
خالص الود..... وليد الحضرمي...... رذااااذ....