[السعدية]

المشاركة الأصلية كتبت بواسطة العنود العلي

مسائكم كادي
أولاً أشكر الأخ الشاعر هيثم العيسائي على هذه الدعوة الكريمة لهذا المنتدى الراقي
ثانياً مصافحة أولى بأقرب قصائدي إلى قلبي .

أرخيت شالي لك مَعَ هبّت النّود
وتناثرت سود الجدايل طريحه

باحس في حرّيتي وانت موجود
وآفيض لك ما ترتكبْه القريحه

خل الهوى عُذري بلا شي منقود
دام الهوى للبنت عيب وْ فضيحه!!

محسوده بْحبك وفْالحب محسود
وشهادتي في وصف حبّك جريحه

مابيني وْ بينك مسافات وحْدود
مكانتك وسط الحشا مستريحه

قلبي معاليقه علي حبّك شْهود
وعيني مدامعها لشوفك صريحه

تمرّني حلم وْ تناهيد وسْهود
وآمربك بنت الخصال الصحيحه

اتذكّرك وآقول ماهوب مفقود
وآعيش بِكْ ضحكه وهرجه وصيحه..!!


العنود

تسلمين اختي العزيزة...
وما عليك زووود ..
كلماتك اكثر من رائعة...
وحياك الله بينا...
منورة...