الجاذبيه
تعال قرب لا تباعد لك فتحــــــت القلب باب
تعال تلقاني عدالك كــــل ساعـــــــه مقترب
أدري أن الجاذبيه هــــــــــي سبايب لنسكاب
وآنا قلبي مـــــــن جمالك في ودادك منسكـب
ياجمالٍ مــــــــن جمالك فيك يحتار الصواب
ما ألوم القلب أبداً يــــــــــــوم صوبك منجذب
لي ملكت الزين كله في رياعــــــــين الشباب
أرفق بقلبي وترحــــــــــــم يــوم قلبي منسلب
يا عناوين الصحايـــــف منك عــنوان الكتاب
يانحو الأعراب يلــــــــي فيه قولـــــي منعرب
يا معايير الصراحـــــــه ويا معــــايير العتاب
يا محطات المسافر لــــي عــــن أهلـه مغترب
لو نظرت فوسط عينك ما نظــرت ألا العذاب
ولو أغض أشوى لحالي بس جاشــــي ملتهب
فيك حلوات الوصايف منك حتى الراس شاب
ماخذ أوصاف البداوه وفالمعانــــــــي منعجب
لو بعد طيفك ثواني لـــــــي يسبب لضطراب
كيف ترضاها لقلبي فـــــي ودادك مضطرب
في عيوني شوف وأمعن كيف أشواق الغياب
في عيوني الشوق زايد شــــوف حالي منقلب
وين ما ألمـــــح طيوفك تستوي مثل السراب
وكلما شديت صوبــــــــــه من خيالي منذهب
وين يا طبي وعلاجي منك الخافـي مُصاب
تعال داويلي جروحي منك موتـــــي مقترب
الشاعر / سيف الريسي