تحية من القلب الى القلب
الى الاستاذ الكبير والفاضل ابو سامي الوشاحي ازف اليك معاناة شوق ارجوا ان تجد مكانا لها في قلبك الكبير....اخوك وليد الحضرمي.... رذااااذ....
لي صاحبٍ طوّل فهجره ولا عاد
يسأل على قلبٍ هداه المودّه
لا فاد فيه الصوت والنوح ما فاد
ولا قدرة حروز المعلم تردّه
اوّل اذا عنه سهيت عني نشّاد
كنِّي له عيونه وروحه وكبده
واليوم لا جيته سلك درب لعناد
واهدانِ جزر الحب من بعد مدّه
يا قو باسه كيف يقدر ع لبعاد
وانا على بعده ابد دون شدّه
وينك يا بو سامي ترى الشوق بي زاد
والصبر عندي واصلٍ فوق حدّه
جيت اشتكيلك نار شبّت ف لفواد
والشوق ناره كانها مية جلده
ابغي النصيحة منك سالم ول ارشاد
صاحبك خايف لا همومه تهدّه
الجسم ناحل والجفن عاف لسهاد
والعين تسكب دمعها فوق خدّه