[خليفه الحامدي]

ومرت سنه


ومرت سنه من ذا البعد يا زين للحين
والبعد جمر ٍكـــوى لاضيــــه دواســــــــــه
طوّلت يا حلم ٍغفا بكف المــــــوازين
ولليوم قلبي يْــتســـائل ويـن جلاســـــــــــه
أستغفر الله ما بقت إلا الشياطيــــن
يملا هواها القلــب ويزيد وســواســــــــــه
لكنّ لــي رجعــه إلى "طه" و "ياسين"
يهدم ذكرها الياس ويصـدّع ٍساســــــــــــه
من شهر نوفمبر مضى ف العام تسعين
أحري لقاهم ضحى وبالليل وأغلاســــــــه
ما سرت إلا والصبر صاحب لي معين
وصبري أبد لو غبت ما يعلن إفلاســـــــه
إن قام ينقص زاده الوقت تمكيـــــــن
الله عطانيه حبه عن خلقه وناســــــــــــه
حدّ الغلا فوق ما توصفه قولة ثمين
واللي سعى للمجد م يهاب حراســــــــــه
الله عطاه الزين وش حاجة التزيين
اللي تجمّـل بالحيا في حشمة لباســـــــــه
حلم الوصل يحيه وصلك والله يعين
مالي على جور الزمن لى شط في باســه
واللي غرس بين الحنايا فقر مسكين
بقول الله يجيبه ويكثّر أغراســــــــــــــه
أحد ٍلقى العسر دربه عقب صحبة اللين
وأحد ٍلقى اللين دربه لآخر أنفاســـــــــه
لو ما كذا ما شمّلوا إن رحت أنا يمين
ولا هو بعدك القلب عزّم يوئد إحساســه

مع خالص التحية .....