[أبو المؤيد]

السلام عليكم/

أممممممم الظاهر يا نورة ما ناوية تجيبيها للبر، تخلينا نتذكر ونفضفض وتخلي الآخرين يأخذوا عنا فكرة سيئة.

عموماً أنا ما أعرف أمر على موضوع مثل هذا من دون ما أعلق عليه ولو بكلمة{ فضول}، لكن الظاهر اليوم يا قاتل يا مقتول وبكتب {يزو} يعني جزء.

طبعاً أنا ما كنت أصوم لحد ما صار عمري 18 سنة {طبعاً هذا كان سر} أمام أهلي كنت أصوم وأنا عمري 10 سنين، المهم كان عندي أصدقاء وهم مجموعة من المراهقين، نسوي جمعية كل واحد يدفع مبلغ معين، و أيضاً كنا لما تجي الساعة 11 الصباح كل واحد يجيب شيء من بيتهم، يعني واحد يجيب عيش وثاني بهارات وثالث سمك.... وهكذا، كنا عملين إلنا مكان في أحدى المزارع المهجورة ومخلين عدة للطبخ، وما أن نصل هناك حتى نبدأ بمراسم الطبخ مثل غسيل الأواني وتقطيع البصل والأشياء الثانية، كانت تمر علينا أيام ما نحصل شيء نجيبه فنضطر أننا نشتري تونة مع كم كيس خبز، وطبعاً بأيام المدرسة لما نرجع نروح طوالي على المزرعة لأن موعد الغداء قبل الساعة وحدة، وإذا تأخرنا طار الغداء، وطبعاً يكون هناك طباخين من ربعنا الصايعين هم إلي يطبخوا لما نكون نحن بالمدرسة ويدفعونا فلوس ضعف إلي يدفعوه، أون إيجار شغل.

من المواقف إلي حصلت معي بالبيت، في يوم الشباب مزيدين الملح بالأكل، ولما رجعت البيت حسيت بالعطش شفت يمين ويسار ما شفت حد أخذت كأس الماء أريد أشرب ولا هذا جدي"الله يرحمه" يشوفني وينهرني، هربت بتلك اللحظة ولما رجعت العصر مسكني وربطني على أحدى الأسطوانات بالبيت وحصلت كم ضربة عصى على طول ظهري.

وفي موقف آخر................ بسكم عاد، الله يعيني شو يفكني منكم.

دمتم بخير.