[إبراهيم بني عرابة]

السلام عليكم ورحمة الله وبركاته
طابـــــــــــــــت أوقاتـــــــــــــــكم

::: مـــــــــــن قـَــــــــــــــــــــــدّه ؟!! :::


أسْـرح بفكري والمسارح عِدّه
محد(ن) لفتني وْلا خطيت لبابه


إلا غزال(ن) صادني في ودّه
صيد الحمام اللي فقد أسرابه


ناظرنيِِ وْرمشه جرحني حدّه
جرح(ن) غزير(ن) ما سلم من نابه


نابه {حلاته}... والحلا من قدّه ؟!!
وثري الحلا يا سيّدي يحلابه


حنّاه يفخر لو يلامس يدّه
كلما يلامسها تغار ثيابه


سحر بعيونه والجمال بقدّه
ولاّ خدوده باحة(ن) خلابه


من إبتسامتها الخفوق توَدّه
لي عالم(ن) ما يحصرو طلابه


لي عالم(ن) يحوي الجمال بسدّه
يكفيك بس تاقف على أعتابه


ضاعت معالم لو فراشه مدّه
كل(ن) تزحزحله وصار ترابه


يعني.. جمال(ن) ما سكت من عَـدّه
ألحِـسْن ثوبه والـخُـلـُق أطيابه


ماهو خرافة من حكاوي الجدّة
أو هو مديح(ن) بالغوا كِـتّابه


من يلتقي جزر الجمال بمدّه
شيء(ن) غريب(ن) تنكره وتعيابه


ياهو غزال(ن) متعب(ن) في صدّه
دايم يعاند عاشقة لا عابه


أرتاح جنبه وهو يبيني ضدّه
مدري دلع ولا عناد(ن) صابه


هَـدّه خفوقك يا وليفي هَـدّه
وارفق بحالك لا تزيد مْـصابه


شاعرْك وش ذنبه عشان تصدّه
مجنون في حبك وله أسبابه


شخص(ن) يوِدّك يا وليفي وِدّه
لا كنت أول من يحوز اْعجابه


دامك تحبه ليه يعني تردّه !!
حب(ن) سكن قلبك وهو أدرابه


هدّي اللعب لو هجمتك مرتدّة
واحذر زمانك لا تزيد عتابه


شخص(ن) يحبك ليه عايش نـِدّه
دامك تموت بغيبته وتحيابه


إحفظ غلاته لا تفوت المدّة
بكره يروح وللزمان حسابه


مثواك ما يلقى سوى اللي كَدّه
والكلِّ يحصد وش زرع بترابه


يا متعبي خلّي العناد وهِـدّه
شاعرك ذا جالك وربك جابه


إرفق بحبك يا الوليف وردّه
يشفي زوايا الخافق المنصابة


حبل المودّة لرتخالك شِدّه
يابو العيون المترفة الجذابة


بدر(ن).. وينشقّ الصُبُحْ من خدّه
صبْح(ن).. وفي عينه سواد(ن) هابه


سِـحْـر الجمال وما لقى من قدّه
إلا الجمال اللّي غدى يحلابه