هذي اول طرح لي هنـــا اتمنى تعليقاتكم الصادقه باي شكل من الأشكال سواء كان مدح او نقد ...
رحلت وهالمساء بعدك أتاني يلفظ أنفـاسه
حزين يودع امـاله مع أخر بصيص النــور
أتـاني عاشق مهـاجر عزف في غيبتك يـأسه
يصفق للغصون اللي تمـايل كأنها جمهور
يســامر لمعة النجمه وينثر للقمر بـأســه
ويشكي للنسيم اللي تلحف ظلمة الديجــور
يمد الود والفرقى تمد الضيم بشـراســــه
ويطرق للوصـل بـابك وانته يالغلا مغرور
عليك الله لا تبخـل تعب هذا القلم رأســـه
سنين وغيمة أهـدابه تقطر بالأسى والجـور
نفذ حبره وهو يـرسم حروفك فوق كراسـه
يترجم لك أحاسيس الولـه ويزفهـا بشعـور
كفــايه يـازمن ذابت شموع القلب واحسـاســه
طعن خصر الفرح صـدك وامسى خاطري مكسـور
نزفت الشـوق واحلامي شربهـا الهم من كأســـه
نمى غصـن الغيـاب بنـاظري لأن الجفن ممطـور
عبث طفــل الحنين وبعثر أقلامي وقرطـــاسه
أخذ كل أحتياجـاتي .. توسد طيفك المنثـور
رحـل بي في خيـالاتك وطبع العيـن حسـاسـه
يبلل كحلهـا خدي أذا غـرد حمــام الدور
أنــا دمعي كمـا الموجه وراء التيـار محتـاســـه
تنـاظل تحضن الشـاطي ولكن جهدها مهدور
دخيلك أوقد الشمعه انــا لك حاجتي مـــاسـه
أمني شرفة اوهــامي بأنك بـاتجي وتـــزور
يصيـر الكون فــ غيــابك كمـا الشبــاك مقياســه
تعــال وأملأ فراغـي انـــا بعدك فضــاء مهجـــور