حلم منسي
ينام الليل في حضن الثواني.. عقربي مقهور
يصحّي الليل لو لحظه دخيلك ما أبيك تنام
ذبل غصن السوالف والغصن يا صاحبي مكسور
بقايا ثرثره نامت على شفاهي قبل أيام
سنين وما عرفت أحكي عن اللي صار والمستور
سنين وكنت أوفى من سنيني ساعة الأوهام
حزين الليل في بعدك رفض حتى بصيص النور
يصحّي الضيق في صدري تعود يجرح الأيتام
أنا ما كنت في بعدك سوى إنسان فاض شعور
ضناه البعد لين أثمر قلوب تمتلي أحلام
وش الأحلام من دونك مثلها مثل هالطبشور
كتبتك لين ما جف الكلام بداخل الأقلام