ادري قرايب بس يبعدنا الخجل
والناس..وادري عيونك يوم مرتني
كانت الشمس وأنتي ..
وادري المسافة بيننا شبر
لكن الود غايب والعشق ذباح...
يا زمزم الغيم طهرك يجرح
أحلامي وابيض قلبك الصافي
ودافي كفك المجروح بأزهار
الوله والعصافير..
ياخذني الشوق لك وأرقى
على كف المطر والمروايح
وأصور الوقت طفلن واحضن
أيامه وانتشي بك نشوة الذوق
في مرتع أحلامك...
من شرفتي والمكتب الجافي
على حبر الورق والتعابير
كان الشعاع يمرني مر
الزحام ويضيق مصباحي...
لأجل هالصبح والأيام
لأجل أنسى هموم العام
اسألوا مريم ..عن الحب
والصدفة وقصة شاعر
الحارة