[احمد المعمري]

اخباري

خل الحــــــــــكاوي لأهلها واسمع اخباري
ماني من اللـــــــــــــي نشدها ثم يخليها

بعــض الحكاوي ان لفتسمعي لها شاري
صــــــــــــدقتها مايهم اســــــــمع حكاويها

وبعـــــــــــــض الحكاوي إذا ما يابها طاري
ما عدت معــــــــــــني صدقها من خوافيها

لو كـــــــــل واحد تغنــــــــــى بلحن أوتاري
عزا لله إني خســــــــــرت و ما بغنــــــــيها

مواجــــــــع الناس و الإحــــزان وأسراري
لو تجتمـــــــــع داخلي بســــــــــتر بلاويها

جــــــــاري ولو هو قســـــى سكنته بداري
لا خير فيني إذا بخــــــــــلف هـــــــــقاويها

ما جيــــــــت اماري احد وافخر ب أشعاري
لكن في داخـــــلي كلمه ابحكــــــــــــــيها

مــــــــدام هالمــــــــــجتمع ما يقبل اعذاري
من هو جـــــــــــــروحي من الأيام يشفيها

نـــــــــاس (ن) جفتني وأنا لقلوبها شاري
ونــــــــــاس(ن) تبيني وأنا بالفعل ما بيها

ابسط حقوقي اذا تبــــــــــــتاع من جاري
الله يســــــــتر وش الايــــــــــــــــام تاليها

لا دار فيــــــــــــني الزمان بفعله سياري
وش لي بكـــــــــــف الدمع لا صار يبكيها

عــــــــــــــين لحزن صاحبي تلتاع واداري
وعين(ن) شجـــــوني بلا مقياس تشريها

حتـــــــى رفيقــــــــــي الذي دفيته بناري
لا جــــــــا يكحـــــــــــل فعوله صار يعميها

اللــــــيل طول متى تشـــــــتاق يا ساري
ابـــــــــــــــــد اخلي مليون قصه أبرويها

البــــــــعد يضمي مشاعر وأنت ما داري.
كــــــــــم لي وأنا زحمة الأشواق أخفيها

لك صرت أنادي بجروحي واحمل أعذاري
عــل و عســــــــى التقي بطيفك يداويها

لا الشــــــوق واســاني ولا دمع تذكاري
والحــــــلم والأمنيات أرجــــــــــوك خبيها

انــــــــته مثل دمعه(ن) هلـــيتها إجباري
صـــــــعبه أتــــــــرجع ولو حاولت ترجيها

اســـــرفت ف اخباري وشديت باسفاري
عـــــــــــن درب حالف ندم ما ارتمي فيها