[علي المقبالي]

السلام عليكم ورحمة الله وبركاته

وش آخر الصمت؟؟؟!


وش آخر الصمت قل لي بس يا خلّي
يرضيك تنهي حياتي يا مضوّيها

عجيب هذا الجفا من عطري وفلّي
أشعل له شموع عمري وهو يطفّيها

واكبر عجب كيف شمسي تصير لي ظلّي
تتبعني بصمت ما أقدر أحاكيها

الصمت طوّل تعال وشوفني كلّي
صاير مدينة ضما جدبة أراضيها

ي اغلى من الروح إن جافيتني من لي؟
تدري حياتي بدونك مول ما بيها

إن كنت ما تدري إني فيك متجلّي
شف كيف أقرا عيونك وانت تخفيها

إسقيني الوصل رشفه بعدها علّي:
أحيا على ذكرها كل عام واحييها

جوري على القلب جوري زود وتغلّي
أميرتي كان ودّك روحي خذيها

ما ريد إلا عصافيرك بي تهلّي
واشوف بسمة حياتك واهتني فيها

خلّي الحسود البغيض بكيده يولّي
وتعال أمشي معك دربي وانهيها


...

..

.