[أحمدبن عبدالله المعمري]

البحر قد صارت أمواجه صعيبه
خوفي لا يأذيك في حالة هياجه

الحذر تنزل على اليم وغبيبه
زاد فيه الريح و تعكر مزاجه

والفيافي صارت لوجهك طليبه
ضاق بك هالكون في واسع فجاجه

الدقايق ماضيه واكبر مصيبه
السما غطاك عن وجههه بعجاجه

كنت تسري ليلك المبهم بطيبه
انطفى ليلك بعد ما طفى سراجه

والدروب إللي تمر فيها غريبه
الزمن شابك على دروبك سياجه

وين راحل لا مدينه ولا حبيبه
صارت ايامك مثل كسرة زجاجه

صاحبي ضاقت بك الأرض الرحيبه
قبل تمضي بس تمهل عندي حاجه

ذي عيوني خذها مسكن لك قريبه
وانا راحل وعتبرها ذي سذاجه