بدون مقدمات لكم احبتي هذا الطرح السهل المتواضع...
وين الزمـــان اللي به الود
فايض من وجوه المسلمين
نـــــــاسٍ على الشدات تنعد
هيبة خطاهم عن مــــلايين
لا قـــــــــامت النيران تشتد
ثــــــــاروا لها ثورة براكين
للمعضــــــلات حصونٍ وسد
كل واحدٍ يسوى ثـــــــــلاثين
لا هم حكوا اقوالهــــم سرد
فاقوا بحكمتهم ســـــــلاطين
تاريخهم حافل ويشـــــــــهد
ولهم حضارة عامره سنين
دار الزمان وحالنا ارتــــد
صرنـــــــــا عبيدٍ للغريبيين
سووا لهم من ذلنـــــا مجد
واحنا لهم نمشي مطييعيين
بغداد راحت يـــــــــــا محمد
واطفال مذبوحة (ف) فلسطين
الغرب ضد وشرقنــــــا ضد
واحنا بعروبتنا عنــــــاويين
لو تنقطع للســــــــارق اليد
ما صار ف العالم مســاجين
واللي اخذ باليد بــــــــــاليد
نسترجعه والعين بـــالعين
اول ملكنا قطعة النـــــــرد
واليوم صرنا نرد ف يدين
يا صــــــاحبي لا تكثر العد
كفي الدمع يــا عين تكفين
وابغي السموحة قربٍ وبعد
نخوة فقير وحــال مسكين
والختم صلوا فردٍ وفـــرد
للمـــــصطفى ختم النبيين
يشفع لنـــــا في يوم تشهد
الـــروح والاعمال والعين