السلام عليكم
هذا الابيات البسيطه شكوى الى ابوسامي
واتمنى قصيدة ابو سامي تكون الاول بصراحه
لانه قمه لكن انا بديت الشكوى
والعفو يا ابو سامي
يا بوسامــي ابشتكي همن
قد غزا بالروح وخفوقـــي
الليالي كثــــــر مـــا ضمن
يستحى أيبـــوح منطوقــي
القلب فــــي حبهم مـــدمن
معذبني ساكــــــن عروقي
ايش اسوي بشوق متمكن
سالبن من الفرحه حقوقي
ي المفارق صدكـــم سمن
في الحشا متسيدن عوقي
حبــــــهم م الصعب يتثمن
غــــالين بالروح له ذوقي
خـــوفي انه حبــكم مزمن
كــل اوجاع الـزمن فـوقي
من يواسي شكوة المذعن
حارق الايام يــــــا شوقي
الهناء ايامه ون مـــــــرن
كنت اظن ايامــي شروقي
المشاعــــر فيكم انصدمن
يوم همل حبه اشفوقـــــي
كيف هــــــذا الوقت يتأمن
لي تـــوده لقلبك يبوقـــــي
دام فيـــك شعوري انعدمن
كيف اروي بالسعد شوقي
يا بوسامي جيتـــــك بغمن
والعذر منــــك ف منطوقي
رد ابو سامي
سالم بن محمد الوشاحي
مـرحـبـا يـاحـيّ لـي ضــمّــن
كـامــل الأبـيــات مـنطــوقــي
يـشـتـكـي مــن لاهـبٍ أزمــن
داخــل الأعــمــاق مـحروقـي
مـاهـنـت عـيــنــه ولاضــمّـن
فـالـمـحـاجـر جـريت الموقـي
كـامـلـه عــلاتــكـم أعـــمــــن
بــالــقـلـب آهــات وزروقـــي
وش يـفـيـد الـحـزن مـايسمن
مـايرد اللـي مـضـى شـوقـــي
فـي حـيـاتـك خــلّك امــيـمّـــن
واتــبــع الأيّــام مــطلـــوقـــي
مــن يـلـم الــريــح لــي طـمّن
فـالـفـيـوي الـمـوسـعـه دوقـي
والـمـحـبّــه هــكــذا تـكــمــــن
مـالـهـا قــانــون وحــقــوقــي
تـسـبـي الـعـشـاق مـــاتــثـمـن
يــاخــسـاره مــن تـبـع نـوقـي
مــاوصــل للّــي عــلـيـه أمّــن
في لـجـوج الـشـوق مـخنوقي
كم جرى صرف الدهر ودمــن
بـالـوصـال وطـيـفـه ايـلـوقــي
مـامـسـح دمــعــي ولاطـــمّــن
ضـيـعـت حـلـم الأمــل بــوقـي
ياترى ترجع !! بعد ! ولـمــن
لـي تـركـنـي بـتـركـه عـوقــي
ذا بـيـان الـقـول لــي مــكـمـن
يــاعـسـاه ايـجـيـك بـشروقـي
والـنـصـيـحـه قـلـتـها واظـمن
مــن كـلامـي مـاكـسد سـوقي