من الوان الجمال اللي حوتها لوحة الفنان
تخيلتك مثل ماشفت والاعمار محسوبه
تخيلتك مثل ورده تباهى في طرف بستان
يغازلها نسيم الصبح لامن هب ب اسلوبه
نعد الليل مثل الاخويا ونعده الخوان
وهو داله ولايدري وش اللي صاير(ن)صوبه
نعم يكتم لنا الاسرار لكنه ماهو ب انسان
يحس احساسنا ويعيش معنا لحظة غروبه
نسافر مع بعضنا بالسوالف ل ابعد الاوطان
نعيش الغربه اللي تصرف الرجال عن ثوبه
أبعزفك القصيد العذب يامعزوفة الالحان
خدعك العشق ونفوس البشر بالشوق مغلوبه
غلبها من سنين وماحصل في تالي الازمان
حدا شاعرك يكتبك الغرام ويعلن التوبه
على ذكراك مكنت الخفوق ل رمية النيشان
واصبته قبل ماتدري وش اللي كان مطلوبه
واذا عشتي على ذكرى الشعور اللي كتبك احزان
دخيلك لاتطرين البعاد وحوبته حوبه