أحياناً .. حتى ذلك العتاب الذي نحمله بصدورنا ، لا نجيد فيه القسوة ..
دعوني أترككم هنا
[.. عِـــتـــاب ..]
مساء الخير يا جنح الصباح وريشك المبلول
__________________ مساء الطير المكسرّ تحت أنقاض إعجابك
على بابك جِبر كسري وأنا خايف من المجهول
__________________ وقفت أبكي وأتساءل من اللي يفتح أبوابك
أريد أتنفسك شاعر وقصة من ثلاث فصول
___________________ ثلاث فصولها قصة تحاكي رمشة أهدابك
ثلاث فصولها قصة نسولفها شهر أيلول
__________________ عشان الشعر في الميلاد يفتح جوهر كتابك
تناظرني و اسولف لك .. دخيلك لا يحول الحول
__________________ وانتْ كثير تجهلني .. وتجهل برد أعصابك
إذاْ تماديت في جهلك ،، ترقب عشقك المقتول
_______________ وشوف اللي ذخر عمره عشان يموت فـ ترابك
يجيك ونصف احشاءه تعاني ضمتك وتقول
_________________ أريدك عيد في صدري وتنفخ شمعة عتابك
تعال نجوّع الماضي وننزع صمته المسدول
_____________________ تعال نجمّع الدنيا ونذبحها فـ محرابك
تعاال نعيش للباكر وأعيشك حب لا معقول
__________________ تمازحني/ وتزعلني / وتعطرني من ثيابك
تلملمني / وتبعثرني / وتصبح عني المسئول
__________________ تمشيني على كيفك أموتك شوق وأحيابك
تدللني وتسامحني وتقبل عذر ما مقبول
__________________ عشان تحبني زيادة وتبني صرح أسبابك
وكل الناس من حولك يقولوا عاشقك مهبول
____________________ وانته هبالي يزيدك معاني ترفع حسابك
تريد تعيشني شاعر يداعب قلبك المكبـول؟
_________________ تعال أرجوك في قربي .. وخالف منهج غيابك
لجل ما يكثر عتابي وحكي ٍ ما أبيه يطول
__________________ أبي قلبي وسط صدرك وتغلق باقي أبوابــك
عمار السـديري