[علي الكعبي]

........................

العمر سيف في رقاب الأمنيـــــــــــــــات
والحلم يقضي حاجة محتاجهــــــــــــــــــا

والصبر يحسب في مساحات الثبــــــــات
ويصنف عقول البشر فـــ ادراجهــــــــــا

والنفس موكر للهوى والمغريـــــــــــات
تبني طرايقها على مزاجهــــــــــــــــــــا

والناس عالم من أوصاف ومن صفـات
ان زاد فارقها يجي اندماجهــــــــــــــــا

مثل اندماج الأمس لي كانوا رعـــــــاة
مع طفرة الغربان وازدواجهـــــــــــــــا

والمخرجات المبنية عـــ المدخـــــــلات
تدويلها عادي وسهل اخراجهــــــــــــــا

وتبقى نتاجات العقول المنتجــــــــــــات
لو مات مشعلها سرى وهاجهــــــــــــا

فاعمل على قدر العطا والمعطيـــــــات
ماعاد تقرأ الناس من ابراجهــــــــــــا

وياضيق بالي ضيق بال الأمهـــــــــات
من كسرة الخاطر اتكسر حجاجهـــــــا

مضى عمرها متعرف طعم الحيــــــــاة
على امل يصبح ولدها تاجهـــــــــــــــا

لين استوى تاج على رووس الطغــــاة
يفخر وهي تبكي على نتاجهــــــــــــــــا

ويامقند أبكار الأفكار المؤنســـــــــــات
جمر أحاسيسي وفك سياجهـــــــــــــــا

أبختصر مليون حاجة في مئــــــــــــآت
لين انتهي مع واحده محتاجهـــــــــــــا

للحب والتقدير وآمال الــــــــــــــــذوات
ولكل ألام اتعصي فــ علاجهـــــــــــــــا

ياطهر من الأرواح من بعد الصــــــلاة
وانقى من غيوم البرد وثجاجهـــــــــــا

واعذب من البسمة على لمس الشفـاة
واجود من رياح الزمن وعجاجهــــــــا

واصدق من الحزن اللي يورث ممــات
واثقل من جموع البشر وافواجهـــــــا

واجمل محاسن بنت فــ عيون البنـــات
جمالها ماهو فحسن مكياجهــــــــــــــا

هبت مثل غيمة على قلبي وجــــــــــات
تمطر وانا واقف على مزلاجهـــــــــــا

أخاف تقفي بي وانا رايـــــــــــــح وآت
واقدم على شيئ واخاف ازعاجهـــــــا

رااااحت وقالت كلها يوم وغــــــــــــلاة
روحك لاجيك وما خبرت فجاجهــــــــــا

لا صار يبرى من جفا الوقت النبــــــات
انا برى حالي ورى مدلاجهـــــــــــــــــا

للحزن واسرار العشق والذكريـــــــات
.. زلة قدم .. وانا فـــ مهب أمواجهــــا


علــــــــي ،،،

،[/SIZE][/CENTER][/size][/center][/size][/size][/center]