[خليفة الهاشمي]

آآه منك يا زمن

آآه منك يا زمن
زاد جورك يا زمن
يا زمن غدار جاير مجرم بجرم الخيانه
نطق كل الألسنه
والزمن مسكين حاله
من كلام الألسنه
في جميع الأزمنه
وفي جميع الأمكنه
والزمن حاز الإهانه متهم نحوه إدانه
بس أنا محتار حيل
والدمع م العين سيل
والفكر سارح بعيد
والعقل صابه ذهول
بين مفهوم الخيانه و بين مفهوم الأمانه
مره أوقف للخيانه
ومره أوقف للأمانه
مره أتبع ميل عقلي
ومره أتبع ميل قلبي
وعقلي وقلبي سقوني من ينابيع الإهانه
آآه من سم الإهانه
سم يحرق لب قلبي
سم لخبط فكر عقلي
والزمن والدهر يمشي باالدقايق والثواني
يوم بعده يوم ثاني
شهر بعده شهر ثاني
والسنين أتمر تركض
جيل آتي وجيل رايح
كل جيل يعيش وقته يحكم أيامه و زمانه
والزمن مسكين حاله
من كلام الألسنه
في جميع الأزمنه
وفي جميع الأمكنه
ما تغير عن مساره
ما توقف في طريقه
القلوب تغيرت
والعقول أدمرت
والدموع أتحجرت
والنفوس أتكبرت
والزمن مسكين حاله
متهم أنه تغير
متهم أنه تكبر
يا حسافه يا حسافه يا حسافه ع القلوب
يا حسافه يا حسافه يا حسافه ع العقول
كل شي فيها تغير
يا حسافه يا حسافه
كل جيل يقول أنه صادق و ثابت بيانه
في عناوين القصايد
في عبارات الخواطر
أنطقو نفس العباره
آآه منك يا زمن
زاد جورك يا زمن
يا زمن غدار جاير مجرم بجرم الخيانه