لا طلعت الروح وش باقي لزعلاتـك
تعال قرب وخل الزعل في حاله
سنين وأنا تــــــــحمل كل زلاتــــــك
كأنـــــــك بالأعدام صاير تحكم عدالـه
مسكين قلب (ن) تعلق رغم صداتــك
والعــيــــن تبكي من الهجران همالــه
أذكر زمان (ن) مضى في يوم وقفاتـــك
ياليــت ودري من اللي شاغل (ن) بالــه
لو غبت عني مصير بوقت جياتـــك
ياللي لك العمر فــدوى حاله ومالـــــه
ودي بشوفك ولو الشيب في ذاتــــك
العرق ينبض حيــاه بعـــودت وصالـــــه
لو المرض حل ما خذ غير وصفاتك
أتبع مساريك والخطوات مثقالـــة
كل الشفى صار لا من شفت ضحكاتك
ما هي غريبة وضحكاتك لي قبالــة
دقات قلبي عمرها بعد دقاتــــك
وسماعة الطب تعجز توصف حوالــه
لبيه هاذي عن اللي قد ما فاتـــــك
ولا جات ذيه على لبيه تصفالــه
وأن ما حصلي مع الأيــــام مداتـــك
يكفي يــــــمني تصافح مدت خوالـــه
أقري وصاتي قبل ما نقـــري وصاتــك
وأنا بوصيه من روحه علــى فالـــه
لا طلعت الـــروح وش باقي لزعلاتـك
تعـــال قرب وخل الزعـــل في حالــه
ماجد الخروصي