[حمود الحجري]

المشاركة الأصلية كتبت بواسطة خليفه الغافري

نص جديد

أتمنى أن يرقى إلى سمو الذائقه

وسامحوني ع التقصير والغياب

.
.
.
.صبح آخر
.
.
.

ما يمسح دموع الذهاب الا تباشير الاياب
لا فاق من أمسى شتات لصبح آخر يجمعه

المركب اللي قايده الموج عمره ما يهاب
لو يكسر شراعه رفع للريح عدة أشرعه

ان هاجر الود القلوب اتصير من عقبه خراب
كذاب من قال الهوى للخل الأول مرجعه

ما يجبر آلام الغياب ان طال لحظة اقتراب
لا صارت سيوف الجفا والبعد فينا موجعه

الوقت ينسي صاحبه ان طال به درب العذاب
لابد من ساعه تجي بالغير عينه تقنعه

القحط دايم ينتهي ما يمهله وبل السحاب
والباب عمره ما غفل حاجه تعنت تقرعه

واللي عن الحاضر تراجع للورى بالحلم غاب
مصير حلمه من صروف الدهر يلقى مصرعه

من كان ظنه للأسف في سامي الأخلاق خاب
ما يشتري قلوب فـ سوق الحب هي مسترجعه

ومن جار به ضيم السنين ألين جرح الأمس طاب
ماظن رجله للمكان اللي طعن به تدفعه

قيل البياض بهيبته همس المشيب الى الشباب
وقيل الهوى فــقلوبنا راهب سكن في صومعه


الحب دربه لا أمتلى بالغدر وأشواك وضباب
خطوات من يمشي عليه تكون دايم مسرعه


لجل النهاية تقترب ويعود للدرب الصواب
ويجفف بطيب الحياه اللي جرى في مدمعه
.
.
.
.
تحياتي وتقديري

خليفه
لك كل الصباحات الجميلة
موفق



للأجمل دائما

تقديري