[غربة أسير]

مدخـــــــــــــــــــــــل :

أريد أكتب إلى الشارع وصية
ـــــــــــــــــــــ دخيلك لا تشيل إلي نودّه
إخذ عمري إذا ودك هدية
ــــــــــــــــــــ ولا تاخذ ضنيني وما تردّه
إذا لك في الموادع أي نية
ــــــــــــــــــــ تذكر دمع أمٍ ما تعدّه

وقّف الدمع بعيوني
ما قدرت أروي رصيفك ..
يا شوارعنا المميتة
ما قدرت أوصف ظلامك ..
في نهارٍ ..
ما أخذ إلا عيوني
يا عيوني
دام زفّتْك الشوارع للمقابر
ــــــــــــــــ من بزف بيوم عرسك يا ضنيني
من بيرسم قلب أخضر بالدفاتر
ـــــــــــــــــ من بيزهر في خريفك يا سنيني
كنت من لمس الهوا لخدك أحاذر
ـــــــــــــــــ كان رمشي ظلّك وممشاك عيني
غصب عنّي قطّعت لحمك مجازر
ـــــــــــــــــــ بعد حضني ما قوت لمسك يديني
كيف أنام الليلة وفراقك أسامر
ــــــــــــــــــ من بيسكب ضحكك ويخطف أنيني
شنطتك تبكي دخيلك لا تغادر
ـــــــــــــــــ من بيحملني ومن بعدك مُعيني
لو بيدّي ، لو هي أقداري تشاور
ــــــــــــــــــ لك بذلت الروح يا موت اشتريني
إيه غادِر ..
إيه غادِر
شارعٍ للموت يصلبنا ويجاهر
يسلب أحلام البراءة
من عيون أطفالنا
وبينا يقامر