السلام عليكم ..
شحالكم .. معشر الشعراء والأدباء والمتذووقين ..؟؟
اسمحوا لي على التقصيـر .. اكتب مووضوع .. وارد عليه بالعافيه ..!!
.. حبيت أقدم نص .. ع قوولتهم لكسر حاجز الغياااب خخ ..
----------------
يا سـعــود تســألني إذا كــنـت مـرتــاح
تبغاني أكسر كلمتي وأشــــــتكي لــك؟!
ما تـدري إن بعضٍ من الصمت فضّاح؟
لا تـنـبـش اللـي بالـحنــايـا دخــيــــلــك!
ماني بنــاقــص ضيــق/وسهاد/ وأتراح
ولا .. أنــــــا غلــطــان يــومٍ أجــيــلـك
أمــازحــك .. إلا بــذا / مــا بــــه مزاح
يا سعود .. تــدري وش يضايـق خــليلك
مجبور/ لـكـن ويــش أسوي ؟تـرا راح!
غـــلطان قـايـل : خـلّ قـلــــبـك دلــيـلك
كنت أتبعه، كنّه سحابة / وأنــا ريــــاح
وكنت آعنى له .. وأقطـعـــك ما آعنيلك
لكن أعاصير الجفا ،، جــــات يا صاح
كنّ السنــــيـــن تقول لي: شــد حــيلك!
بعذّبك لـيــن أسـمــع / صــــياح ونياح
بغطســــك بالحــزن وأرجـــع أشيــلك!
بذكّــرك باللـي رحــل .. كـل مـــا لاح
برقٍ مـن ديـــــاره/ وسجّــت رجـيــلك
والله وطحــت ومـا معــك جند وسلاح
ياحمود .. من عقــب الهنا يا حـــليـلك!
كانت سماك العشــق/ ووصالك جـناح
تكـفـخ بــعـيــد وبالـثـــريـا مــقـيــــلـك
واليوم.. في بحــر الهــواجــيـس سبّاح
موجٍ يلاطــم بـــك .. ومــوجٍ سـبـيـلك
ياسعود : ذا حــالي طـعـيـنٍ بلا رماح
قلّه: تعـــال اتـبــع جنـــازة قـتــيـلك !
وقله : ترا ما يـنــفـع تـصـفّــق الـراح
دامــك غفيت .. وعــانـد القيـــد خيلك
ويا سعود: ما عندي مساحة للجــراح
وأنت الطبيب وهـالقــــدر جابنـي لـك
للحين تسألني .. إذا كــنــت مرتاح ؟!
حلفت عقب اليوم ذا مـ/ أشــتكي لك!!
حموود بن وهقه