أن هب نسناسك لفت ريحت العــود
يا وجــــــد قلبي فيك شميت عــودي
ليتك قريب ليه وأبن عـــميه العــود
وجدك مثل مايقول بو سعــيد عودي
وأدنــدن الأشعار لجــلك على العود
ولحـــــــــن لحنك لكن العود عــودي
وأجلس على العرقوب ويظلني العود
وأحــوش الأفــــــــكار ع ظل عودي
وأقــــول يا المعناج يا مايس العود
منك محـــــــل فكري وسميت عودي
أخاف أرحــــل وأنت تحسبليه العود
من عقب موتي تزجر الروح عودي
ماينفعــــــــك مهما تغرد على العود
أن مات غــصني مات يازين عودي
لكـــــــن ينفع شي يا المرهيّ العود
عــــجل بشوفك قبل ما صير عودي