[الصمت المكابر]

أسائل دمعة ن عيت على خدي تسيل بليل
وقت الصمت يسكني
ويأسرني بدون قيود
أسائلها...
ترى منهو سكن فيني
لجل يمسك زمام السيل
ومن ذاك الكيان اللي
بيوفي يزرع الأحزان
ويحرمني منام الليل
أسائلها ونا متعب
وصدري ضايق ن بالحيل
........

عييت أسهر على شمعة أمل
دمعي يطفيها
وعييت أتوسد أنفاس لشقا
والْتحف بالويل
عييت الهم يحرمني
أشعل فرحتي قنديل
ويحرمني أشوف النجم
في وحشة ظلام الليل
......

جمعت الصبر
طيلة عمري الماضي
وكلته في حياتي كيل
اليما فاضت ايامي
وفاض الصبر...
فيض السيل
جرف عمري غثا...
وتاهت ... بينه ايامي
طواها .. في طوايا الويل
.......
أيا دمعهْ عيت تنساب
دلييني مآلي وين؟!
تُراني لي متى ببكي!؟؟
وعمري لي متى بيمر ...
مجروف بغثاء السيل!؟؟