[عامر بن محمد الحجري]

أساتذتي الكرام

للموروث جمال ، ونحن نعشقه بكل محتوياته

أتيت مشاركا بنص قديم لي ، بما أن موضوع الشهر عن التغرود


هذا النص يحكي واقع قصه ومشاكل دائما تحدث لنا

خرجت عندما كنت في أحد المراكز التجارية الكبير في زحمة المشتريين

بين المحاسبين


اليكم



منّـاك زحمه وْمـن هنيـه مزحـومـه
وارْواقــنـا مـا بـيـنـهـن مـحــرومــه

لا قــدرت أنـفّـه روقــة ٍ منـعـومـه
ولا صْويحـبـي خفـف علـيّ اللومـه

صـفـيـت صـفّــي مـتّـبـع مـرسـومــه
وانـا اتــرقّــب وانـتـظــر مـقـسـومـه

ويـوم ٍ وصلـت مْحاسبـي وخْـتـومـه
ثـار وْضغـط واخلـف عليـه رْقـومـه

شـكّـل جـهــازه فالـحـسـاب عْـلـومـه
ولا عــاد بـــان فْشـاشـتـه معـلـومـه

وصار التحاسب صورتـه معـدومـه
غلطـه غلطهـا وانتهـت محسـومـه

صاحـي ولا بـه مـن غـفـاوة نـومـه
يـوم اختلـف فـي حسْبتـه ويْـزومـه

مـن كـثــرة الـشــرّاي مـا بـنـلـومـه
غـابــت سْيـعـتـه بيـنـهـم وحْـزومــه

قالـي تــراجـــع حـيـنـهــا بـلــزومــه
خلـنا نشـوف الوضع كيـف عْلومـه

ولـي غمّـنـي مــن بعـدهـا مـارومـه
وخْـسـارتـه ان كـــان هـــذا سـومــه

مـاعـرف يصـلّـح غلطـتـه بعـزومـه
وايــزى يـنـادي والـمـكـان يْـحـومــه

حـتــى نـهـرتـه نــهــرة ٍ مـرحـومــه
قـتـلـه فضـيـحـه للـمـكـان سْـلـومــه

امّــا تـبـايـعـنـي كـــــذا ، بـعــدومــه
حاسوبكـم ، ولاّ البضاعـه رْكـومـه

عـصّـب عـلـيّـه ثـــمّ لاي صْـرومــه
ويتشافـنـي شــروات شيـفـة بـومــه

معـرفـتـنـي أنـظــر ونـاظــر زومــــه
ولا أطــفّــر بــالــمـكـان وْيــــومــــه

مسكين حظّـي مشتـقـي هـو دومـه
تمّيـت أجاسـي بـه علـى محتـومـه

يـا صاحبـي هـذا الوضـع وهمومـه
واشـوفـنـي بـلـزم عـلـيـك تـصـومـه

قـالـي تـوكّـل عــن مـكــان ٍ قــومــه
مـا تـكـرم الـخـطّـار حـــلّ الـشـومـه

غـيــره قـريــب ٍ راهــي ٍ تجــدومــه
مـــا تنـطـفـي دخـــان نـــار بْـرومــه

عالـي وصيـتـه شـاهـرات سْهـومـه
بــدلال بــن مْـزعـفــره وْمـخــدومــه



هذا ، وأتمنى أن أكون أجد في الوصف والكتابه على هذا اللون


تـحـيـــــاتـــــــــي للـجــمـــيــــــع


أخوكم الصغيييير