[ساعد عبيد]

النحل وزهرة خريف وخافجي مفضوح

كل الدروب اتلملم ضعنها

وتجرّ اشلاءها من غير مصلوح

هذا وأنا عند الزاوية والمسبّة تفوح

وش عاد لو كانت غياهيب الزمن شلّت ولدها

حاضرٍ كلّي دفا ، كلّي ألمّ وهاطل سما

يمطر ظلام وعاريه اكتوفي ..!

بس ..تصدق .. كل الفرح ولمّ الحزن

مشاعر نازفه (كانت ) وتوقف

وتصدق .. كل الانشغالات الدائمة تحمل ورقها

وتنزف (أمل ) ممتد وخانة رسايل فاضحه

اتميح صوب غربٍ أعرف اسبابه

واتصوّب سهام الحقد في غياب الأقنعه

ماشي حصل غير إني هربت لظلال الغاف

وربيع السمرّ يندح مع تباشير (ابو زيد)

هي تباشير قيظٍ غامضٍ هذي السنه

يناغي سائل الوقت والوقت مجروح

جرحٍ يسلّ السيف ويكسر غمد الزمن

في رمل الوقت
آه يا عايبٍ شاني .. وين العمر بيروح

ووين المكان اللي تعطّر من انفاسك زمن

وهذا الزمن بيروح ..