" شلة العربان "
يا جدي
ما تهون سنينك العوده
تعودنا عليك وإيدك البيضاء ..
يا جدي ليش راحت شلة العربان ..؟
وفيديهم سواد ../
و وجوههم حمراء؟؟
يا حارتنا يعزك صاحبٍ صانك
وأنا أسف عليهم ربعي الشجعان
بناك إللي عرق جلدة بجدرانك
وحطب لك من ضلوعه موقد البردان
ويموت إللي زرع وردك وريحانك
ويبقى لك ظليل نخيلك العوان
يا حارتنا وإذا خوفك ع ولدانك
ف شيابك بنوا من أصلك العمدان
وإذا قصدك عصافيرك وغربانك
بتحيابك .. رغم تكشيرة النيبان
يا حارتنا .. رخيت عيوني من شانك
غفى طرفي وأنا من داخلي شرهان
على عينٍ ترابيهم بأحضانك
وإنتي صابرة يرمونك الولدان
يا جدي .. لك يبيعوا ناس حضرانك
ويعسوا من يديهم قافر الوديان
وإذا بارت سلعهم وسط دكانك
ترا ما يشتري من خبزهم إنسان
نشف دمي عليك بطيب غفرانك
يا ربعي وإن تلثمتوا بهالخلقان
يا جدي لجلهم بيعّت طويانك
وخذلونا وفاحت ريحة العربان
سنين تمر يا جدي وبيبانك
ترم ... ولا وكبها باني الحيطان
يا جدي لو بقى لك ظل عوانك
يكفينا .. ويموت الورد والريحان
سليمان الجهوري
|