توبة
* القصيدة الفائزة بالمركز الثاني
كلتني وجوه الناس وإحساسي المهزوم
أولي لوين؟؟ وزحمة وجوه تتبعني
أسيّل دم أشعاري علشان تحيا قوم
وإذا طحت محدٍ مد لي يد ترفعني
نذرت العمر شاعر ولا بان لي مقسوم
سوا قول ناس: طيب،،إن غبت وش يعني؟؟!
أكون اصدق أكثر.. اشعر بخاطري مقسوم
بي أشياء تدفعني ، بي أشياء تمنعني
تلبست دور الزاهد العابد المهموم
هزمني حكي بنتٍ: أنا أرجوك تسمعني
سكت ونطق لي صدرها المرهق المزحوم
بآهات حزن ،، ومن تناثرت جمعني
جرف بادية عمري لبحره وذقت العوم
إلى وين يا موج المقادير تدفعني؟؟
وتسلقت ع أكتاف وطاحت علي نجوم
وأنا ما استرقت إلا علومٍ تروعني
تعب.. كل ما حطيت راسي تطل حلوم
أنا تايبٍيا زاير الليل ودعني
هنا ف المدن ما يصعب إلا الصدق والنوم!!
أحس إن ما به مرقدٍ عاد ياسعني
تضيق البسيطة بي وأنا شاعر موسوم
بحب الرحابة والفضاءاتتمتعني
أهيم ،، الاوادم صاحية,, والظلام يشوم
قريب الأذان ،، وزحمة وجوه تتبعني
خميس الوشاحي
|