السلام عليكم ورحمة الله
كنت متأكد من أنها سوف تضيع ولكن أملت نفسي
بالخير وحذفت الضائع ومع الأسف الضياع تواجـد
ولم يفارق
إلى
ذلك - اليتيم - الذي ينادي في ميادين الحق لكي يثبت صوته ويأخذ حقه بين أجندة
التغطرس ولا يجد سوى من هم يتدافعون به إلى الخلف
شيء في داخل كيانك يا سحابة أنستر
............... مابغيتـــك في جفافــي يا سحـابة تمطـــــري
يرثم الهمّ الأماني في زماني وأحتضر
............... (والقهر) ترجع غيـوم الحلـم تعــلا منبـــري
كفّ يا برقي رعودي مالها أيـّـة ضرر
............... والسبب همسة جروحي يوم يدوي مصـدري
آه والحسرة كبيرة ضيفت فيني الضجر
............... وأكرمـه فنجـــان ضعفي يوم صبّه محجـري
هاك علمي يا عزاية كل ما فيني أنكسر
............... والمزايـــه يوم طابــت فوحهـا من مجمــري
بعد أبويه صارت أيام العناء تطفي الفنر
............... والظـــلام يْزيــد ظلمـــه والليالــي تحتــــري
أوه يكفي يالسماء أصفي دخيلك للقمر
............... وطف دمعاتـــي تحــدر لين غـــرق دفتــــري
صاح طيفه يا يتيمي أرتكز خلك قشر
............. وضعنا ما عاد يرحم شخص من فقـــره ثــري
والسعيد أحزن جنابه ساعده يومه غدر
............... والمحنك كان شاطــر كان في غـــدره بـــري
صحت مقدر والشرر دمّر قناعات الفكر
............... وأنت أدرى كيــف قاعــد في حياتـــي يفتــري
ما يفارقني مرير الصبر والعله سهر
............. والسهــر ضيّـع خشوعي ومابغيتــــه ينبــــري
ليش يا دنيا عذابك فاليتامى منهمر
............... ليش لو نادت جروحــــي دايم الــــرد أبشــري
والقهر قلبي ينادي ينتظــر لفتت نظــر
............... ما درى صمّ الحجـــارة ما عجبهــا منظـــــري
ياليتيم اللي تنادي للألم... لو تفتكر
............... أصعــب الأوجــاع كانـــت طعنتـاً من خنجــري
ياليتيم اللي تنادي للفرح؟؟؟ لا تنتظر
............... أنثــر الأحــزان دامــك عايشــاً في أسطــــري
ياليتيم اللي تنادي للأمل!!! مالك مفر
............... صكــــت الأقـدار دربــــك خفّ عنــك هالجــري
وين ذاك اللي تكفل ما بغى شهرة بشر!؟
............... مكسبــه قربه " لـ طـه " هالقرابـــة فأشبــري
بس حسافـة يا زماني كيف حطوك العذر!؟
............... والتهم ترمى علــــى كتفــــك وخبـــرك ينطــري
أيه يا قلبي عذابي من ضلوعي لك وشر
................ هالسفينـــة لجْــل يأمـــر يالمصــايب أبحــــري
دام تدري يا سحابة كيف يملاني (القهر)
................ صار كيفـــــك لو بغيتــي في جفافـــي تمطـــري
عمر مريْود العريمي