[زهرة السوسن]

شديت بك ظهري يا إنساني # جازيتني بالطيب نكران

عمري نثرته، ورد ريحان # صيرتني في الخلق حيران

أسقيتني من نهر أحزان # خلّفت لي في الجوف نيران

لي جيتني مهموم زعلان # ضمك فؤادي بحيل ولهان

مسكنك في الروح و اركاني#وين الخطا، وش فيك يفلان؟

بسمة حياتي، ونور لعياني # حضنك دفى يا كل خلان

أرميتني في بحر هيجان # خليتني مقصوص جنحاني

غرك فؤادي دوم هيمان # عيشتني ساهي وندمان

كافيتني بالصد يا الجاني # يحرم عليك اليوم نسياني

ظني وفي أثريك نقصان # بدلتني بالوصل حقران

بعد التجافي، جاي يبغاني # سديت بابي وقلت غلطان

قال السموحة، صوبكم عاني# رديت ماني، ولا هو بعنواني