[وهج الروح]

شمع احمر



على مرمى مسمعي سجت حروف الياس

ولا كلت ،،، وخطت من حروف العجز

ثوب باسم الاماني مرقع ،،، كنت احسب

الوفاء باقي بدنيته ما يتبدل واثاري احساس

الحب بعض الأوقات يعمى ،، كنت وكنت

اشوف شروق الشمس بلمعة بطرف عينه

كنت اشوف حروفه بلسم من سموم الوقت

ولا اتكدر، لكن يا صاحبي اعتبرها غلطة

وغلطة الشاطر ما تكرر ،حروفي اروضها

على كيفي ولا خالفتني اغير قواميس الفكر

ولا اتحير ،،، بنات أفكاري لا جابت طارئ

ورسمت لي من صفاتك الأجمل (تاكد) بذكرها

ولكن بكون أوفى، يا كيف عهد الأيام لك تنسى

اعشق
واغير
واحب
وافى
واتغير

وملامح الطيب في حرفي وفني تشكل

ولا بغيت تهجر روح رخصت لأجل

عينك (تذكر) ابيع كل احساس في

حياتك نثرته ولا أبالي ،بنت ابوي

شموخي من شموخ ذاته واسمي لا

بغيت تحذفه من سموه يرفض إحساسك

أحب ولكن بكرامة ولا رخص قلبي

ببيعك واغيب وأعود مثل الأول ،لا

تفتكر اني بموت من غياب شخص(ك)

قلبي من كثر طعونه صار يقوى صار

اطهر صار أسمى صار أنقى ،صار مثل

الزجاج إلى بعد كسره أقوى ،،، وقبل لا

اضيع بين حرفك إلى ياما في مسمعي

تردد ابي أغلق ملفات ذكرك من فكري

ونبضي بشمع احمررر.