السلام عليكم
كل عام وانتم بألف صحة وعافية
ومبارك عليكم العيدين مؤخرا
وللغياب أسباب...
بهذه المناسبة أرفع أطيب أيات التهاني
لمولاي السلطان قابوس المفدى حفظه الله واطال في عمره
ولكل مواطن على أرض الغبيراء المجيدة...
لكم الود
%قبلة الحكمة%
على مدحك تيممت الجزيل وشدني بذهول
لانك اجزل بيوت الشعر وابهى قوافيها
تخيرت الثقيل الأسهل المتسلسل المسلول
و لا يدلي بفحوى الدرّ غير إللي يتاليها
عُماني وان سألني سايلٍ وش منسبك؟ باقول
أنا ابن الغبيرا والعرب أدرى بــــ اهاليها
تمكنا الهمم بالماضي المستقبل الموصول
بحاضرنا المجيد إللي حوى الرفعة وطاريها
تنومسنا الرجال من الرجال المترفين عقول
ويطربنا صهيل الخيل وان دقت نواصيها
ترجلنا وعقرنا من اصيلات الخيول خيول
فدا ارضٍ عطاياها العمر والروح تفديها
بلادٍ ما سكنها إلا العزيز مجمل المجمول
موانيها الكرم واغلى من العسجد صحاريها
كريمة يد جزيلة مدّ مدهال الثقيل حمول
عظيمة مجد مربط جدّ حاضرها وماضيها
تباهت في يدين اللي عمرها بالدرر واللول
سليل العز حاميها و مكرمها , ,وبانيها
ابن عن جد وارثها وكاسبها عريق اصول
كانه منخلق غيره لجل يا خذ بـ ياديها
عظيم الشان قابوس المفدى والكلام فصول
وانا شفتك ربيعٍ للعبر واسمى معانيها
لذا يممت صوبك والثنا يا سيدي مدلول
لانك منهل الحكمة ومنصفها ,وواليها
الشمس
شمس النهار اصدق حديث وكتابة
من ضربة السياف وعلوم الأبراج
والليل ,,لو طوّل علينا اغترابه
الشمس. لا بانت غدا العز مسهاج
خلقت شمسٍ , نورها ما تشابه
كنك ولدت بيوم والكون محتاج
اسرجت كفك واهتدى من سرابه
وابرقت غيمك وانهمر غيث ثجاج
صنت العهد واسعدت كل من سعابه
وانتجت بفعالك قبل قولك انتاج
حتى القمر. . لا من تكلّم جوابه
إنه تسلف من بعض نورك سراج
ويا سيدي لولاك وش هي القرابة؟
اللي تلم الشعب وانته لها سياج
يا سيدي والشعر وش ينقرابه؟
والمدح مدخاله بليّاك ... مخراج
انت العدل نسل الكرام النجابه
اهل الشيم والجود طلقين الحجاج
لك بالوطن جندٍ ومن كل لابة
يفدون يوم تراب الاخطار عجاج
علمتنا.,,,, كيف المهابة مهابة
واكدت بان الحق ما هوب منعاج
حتى ..غدا التاريخ ذكرك ثوابه
واختار من اسمك على كل من راج
يا سيدي,,,,, لو الكلام ايتشابه
تبقى الكبير اللى على روسنا تاج