[محمود النبهاني]

قصيدة في الفاجعة التي مرت بها الولاية

بكت نزوى من اللي اليوم جاها
ومن أرواح فيها اليوم عانت

بكت نزوى وحنّا من بكاها
بكينا غم أصواتٍ تعالت

بكت أفلاجها وناحت لماها
دموع الحزن غطتها وسالت

ضواحيها شكت ظلمة سماها
بعد أنوارها اللي تضوي كانت

يليت اليوم صفحة ماقراها
عمرنا وعن قلوب الناس غابت

زهورٍ قطّعتها من رباها
سكاكين الشوارع لين زالت

صبغها لون أحمر من دماها
ولحظة نبرة التوديع حانت

قلوبٍ بالعبر ربي ابتلاها
وأرواحٍ إلى المولى أنابت

وكل أرواح لابد من فناها
ولو أيامها في العمر طالت

ي ربي ذا قدرها و ذا قضاها
وإنت اللي لك الأكوان دانت

رجينا منك ترحمها ف ثراها
وتغفر كل زلة بيها نالت