[زهرة السوسن]

لا أهل لا أصحاب
..............مقطوع من شجره

قلبي المعنى ذاب
................بالهم، والحسره

جيتك أدق الباب
.............تطفي لظى الجمره

لكنّ ظني خابْ
...............يا ناسي العشره

قِلّي وش الأسباب
.............وش بدل النظره؟

تنسى زمان(ن) طاب
.............والليل والسمره

كنت وأنا أحباب
................يا زِينَها فتره

من يوم صرنا غراب
..............ما جفت العبره

ذاكر حبيب(ن)غاب
............ليته يجي بذكره

عن حبكم ما تاب
............قلبي عجب أمره

واقف على الأعتاب
............ملّ الصبر صبره

عينِ وسهمها صاب
..........قِلّي وشِ الدُبْره؟
أم عمر